PREPARASHONNAN TA KANANDO DEN FUL SWING PA NOS SELEKSHON NASHONAL SU PARTIDO KONTRA HONDURAS DIA 3 DI YÜNI 2022 DEN STADION ERGILIO HATO!

Preparashonnan ta tumanado lugá pa nos promé partido di CONCACAF Nations League pa e aña aki ku lo tuma lugá djabièrnè, 3 di yüni 2022 pa 8’or di anochi den Stadion Ergilio Hato.

Gran parti di nos hungadó ya ta na Kòrsou i ta den entrenamentunan intensivo pa saka nos kara djabièrnè próksimo.

 

Karchinan pa nos partido di djabièrnè ta optenibel na e siguiente puntonan di benta;

 

– Mensing’s Caminada

– Van den Tweel Supermarket

– Sentronan di pago Tu y Yo

– Online via Caribbeanticketshop.com

 

Entrante djamars lo tin karchi disponibel na e lugá nan di kustumber esta; FFK, Botika Mampuritu, 4th of July snèk na Barber i Pòmp di gasolin Sta. Maria.

Kumpra bo karchi trempan pa bo no keda afó.

 

Preis general ta fl. 25 pa tur hende pa sekshonnan (A, B, C, D, E, F) miéntras VIP ta kosta

  1. 200,- ku konsumo inkluí.

 

Nos selekshon nashonal ta konta ku bo apoyo i sosten komo e di 12 hungadó kontra Honduras den Stadion Ergilio Hato dia 3 di yüni binidero.

This site uses Akismet to reduce spam. Learn how your comment data is processed.

%d bloggers like this: