Minister di Finansa ta kumpli.

Algun tempu pasá minister di Finansa Javier Silvania a anunsiá públikamente ku el a duna Inspectie der Belastingen e tarea pa paga e aanslag di belasting riba entrada di 2020 pa mas tardá na juni 2022. For di momentu ku minister di Finansa a sinta el a papia kla tokante su vishon riba transformashon di e sistema di impuesto, finansa públiko i e posishon di likides di Kòrsou. Den ménos ku un aña hopi kambio a tuma lugá danki na esfuerso di minister i su ministerio, gabinete i demas instansia enbolbí. Nos ta papia aki di entre otro kumplimentu ku trabounan (compliance), dominio di gastunan pa medio di un mihó regulashon di finansa i el a pone un fin na nepotismo den belastingdienst.
Tur partido a pone man na obra i a kumpli ku nan palabra. Tin 33.387 aanslag ku a keda entregá di kua riba 30 di mei a paga 12.444 ku ta suma un montante di 12 mion florin. Tin 9.873 aanslag, ku huntu ta forma un montante di kasi 15 mion, ku mester wòrdu pagá bèk dor di e pagadó di belasting. Ainda falta 1934 aanslag ku no por a pasa e pago ainda pasó e detayenan di banko no ta konosí. Por hasi esaki ainda dor di registrá na Belastingdienst.

This site uses Akismet to reduce spam. Learn how your comment data is processed.

%d bloggers like this: