Polis a konfiská droga na skol i a hasi detenshon.

KOMUNIKADO DI PRENSA 273 /2022
1 yüni 2022
Polis a konfiská droga na skol i a hasi detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 31 di mei 2022 riba indikashon di un skol ku ta keda p’ariba di brug, polis a bai pa
un studiante ku tabata den posishon di un kantidat di droga.
Na e skol polis a topa ku e alumno ku tabata den poder di un kantidat di paki di mariwana i
a konfiská esaki.
E hóben a deklará ku e droga ku e tabatin huntu kuné tabata pa benta.
Mesora polis a detene e hoben i hib’e warda di reshèrshi pa investigashon.
Seguidamente a tene un entrada hudisial na kas di e sospechoso, pero no a topa nada
partikular.
A present’é dilanti di un fiskal ouksiliar ku a ordená pa despues di interogashon, lag’e den
libertat pendiente di tratamentu di su kaso.

 

 

This site uses Akismet to reduce spam. Learn how your comment data is processed.

%d bloggers like this: