INDOKUMENTADONAN A PEGA BARAK NA KANDELA

Willemstad – Riba djamars 31 di mei 2022, alrededor di 12.45pm a drenta un notifikashon ku na e sekshon di barak di ilegalnan, lo tin un kandela i intento di huida for di e instituto di SDKK. Esaki tabata djis promé ku nan wòrdu transladá pa blòk 1. Blòk 1 lo bira e área di indokumentado temporal te na momentu ku e kompleho nobo di SDKK pa indokumentado terminá.

For di investigashon preliminar a sali afó ku 8 hende hòmber indokumentá a sende algun matras na kandela i hasi varios destrukshon den e lokalidat. Mesora e personal di e kompania di seguridat priva i e personal di SDKK a kuminsá paga e kandela i transportá tur e indokumentonan pa un otro área. Esaki tabata den kuadro di seguridat i nan a keda opservá pa de Departamentu Médiko di SDKK.

E daño material na e barak tabata konsiderabel. Tur outoridatnan kompetente a keda pone na alturá di e situashon i lo bai tuma pasonan fuerte debidamente. Kuerpo Polisial lo kontinuá ku e investigashon.