Curaçao Clean Up Kiko falta nos so anto???! Un aña a pasa i nada ahinda

Aruba, Bonaire, Saba i Statia i hopi otro pais rònt mundu a tuma medida pa kombatí nos problema mundial di plèstik…
Na Kòrsou ketubai ta papia nos ta papia so!
Nos ta kontentu ku Gobièrnu a proklamà ‘Aña di Limpiesa’ i ku a kuminsá limpia tambe den barionan. Pero esei sigur no ta sufisiente.
Nos ta kere ku Gobièrnu huntu ku su habitantenan kada un mester karga nan responsabilidat pa logra esaki.
Un Gobièrnu no solamente ta tuma desishon tokante su lèinan, pero tin ku implementá i pone un sistema pa kontrolá esaki na serio tambe.
I huntu ku Gobièrnu, NOS TUR komo habitante di Kòrsou tin ku keda kuida nos medioambiente.
AMI ke biba riba un isla LIMPI. ABO tambe?