KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Análisis di krimenan di impakto haltu

KOMUNIKADO DI PRENSA 307 /2022
15 yüni 2022
Análisis di krimenan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den e periodo di 6 pa 12 di yüni 2022, por a nota un redukshon enorme di krímennan di
impakto haltu riba nos isla.
Por atribui esaki na varios detenshonnan ku polis a bin ta realisá den kasonan di atrako pero
tambe solushonamentu di diferente ladronisianan di vehíkulo ku a tuma lugá den pasado.
E echo ku semanalmante Kuerpo Polisial ta publiká sífranan di aktividatnan kriminal i
medidanan ku siudadanonan tantu riba base individual pero tambe kolektivamente a bin ta
tuma, ta difikultá oumento di krimen.
Kiebronan di kas i den negoshi ta keda di atenshon i te ainda kasonan violensia relashonal
ta kedando haltu.

Atrako
Den e periodo ariba menshoná no tabatin ningun atrako.
Ladronisia di vehíkulo
Den e periodo aki polis no a risibí ningun notifikashon di ladronisia di outo.

Kiebro den kas
Polis a registrá dos (2) kiebro den kas ku a tuma lugá riba djamars entre 07.00’or – 08.55’or.
Malechornan a penetrá dor di fòrsa bentana di schuif i fòrsa slòt di porta.
E kiebronan aki a tuma lugá na Monte Bellostraat i Rooi Catootjeweg.
Den Rooi Catootjeweg malechornan ta hopi aktivo últimamente.

Kiebro den negoshi
A konfirmá tres (3) kiebro den negoshi i nan a tuma lugá riba djamars, djaweps i
djadumingu entre 03.00’or i 06.00’or.
Malechornan a kibra na un vèlt di beisbol na Kaya Andruw Jones, na un misa na
Salsbachweg i na un skol den Commanchesstraat.

Kiebro den/na outo
Tabatin tres (3) kiebro den outo, ku a tuma lugá riba djarason, djaweps i djasabra entre
13.00’or i 15.00’or.
E método ku mas e malechornan a usa tabata di ranka e bùmper dilanti.
E sítionan na unda a kibra na e outonan tabata Kaya Orgel, Oranjestraat i
Wageningenstraat.

Violensia relashonal
Polis mester a atendé nuebe (9) kaso di violensia relashonal, di kua mayoria a tuma lugá
riba djarason i djasabra.
Mayoría di e kasonan aki a tuma lugá entre 19.00’ i 23.00’or.
E áreanan kaminda ku polis mester a duna asistensia pa e tipo di violensianan aki, tabata for
di Montaña Abou te ku Seru Fortuna.

 

639114718427035"
639114718427035"