google.com, pub-5639114718427035, DIRECT, f08c47fec0942fa0

Durante e último dos simannan huntu ku gerensia di WTC i SOAW a atendé e situashon di ‘schimmel’ den e ofisinanan di e ministerio.

KLIK AKI PA WAK E FACEBOOK: https://www.facebook.com/profile.php?id=100045700818054
KLIK AKI PA WAK E FACEBOOK: https://www.facebook.com/profile.php?id=100045700818054

Ministerio di Desaroyo Sosial, Labor i Bienestar

SOAW [info] : Durante e último dos simannan huntu ku gerensia di WTC i SOAW a atendé e situashon di ‘schimmel’ den e ofisinanan di e ministerio.
Ministerio di SOAW algun tempu pasá a aserka ARBO pa inspekshoná su ofisinanan den WTC riba sospecho di presensia di schimmel. ARBO a konstatá ku tin presensia di schimmel pero mester a laga hasi un investigashon pa konfirmá. Mes ora SOAW a aserká ADC pa hasi un investigashon. ADC a tuma muestranan pa analisá, loke a dura 3 pa 4 siman. E resultado tabata ku a konfirmá presensia di ‘schimmel’.
ADC a rekomendá pa laga hasi un limpiesa profundo den e ofisinanan segun nan instrukshon. Dianan 16 i 17 di yüni 2022 último e limpiesa profundo a tuma lugá. SOAW a haña informashon tambe kon e limpiesa diario mester tuma lugá pa asina yuda evitá i/o minimalisá presensia di ‘schimmel’. SOAW ta responsabel pa e limpiesa diario. Ademas a aserká ARBO pa organisá un kampaña di konsientisashon pa empleadonan di SOAW pa ku limpiesa di nan espasio di trabou.
Djaluna dia 20 di yüni 2022 ARBO ta pasa 10or di mainta pa hasi un inspekshon final den e ofisinanan ku a haña un limpiesa profundo. Na final di e inspekshon ARBO lo deklará si e ofisinanan por keda tumá den uso atrobe.
No ta ministerio di SOAW so ta eksperensiá e retonan pa ku espasionan di ofisina den WTC. E ministerionan BPD i VVRP ku tin empleadonan aloká den e edifisio di WTC tambe tin retonan similar. Pa e motibu ei e sekretarionan general di e ministerionan di SOAW, BPD i VVRP a sera kabes huntu i ta tumando diferente inisiativanan kolektivo. Den e siman ku pasa a hiba kòmbersashon kaba ku brantwer Kòrsou tokante aspektonan di siguridat di kandela pa ku e ofisinanan. A palabrá ku lo traha riba un plan di evakuashon i training relashoná ku esaki. Asina tin mas inisiativa kolektivo di e ministerionan ku lo sigui den e próksimo dianan.
Ministerio di SOAW tin konfiansa ku e aserkamentu aki ta kontribuí na un ambiente di trabou salú i sigur pa tur su empleadonan.
Share this page to Telegram

This site uses Akismet to reduce spam. Learn how your comment data is processed.

%d bloggers like this: