House of Worship Hulanda ta selebrá e aña aki pa promé biaha dia di Himno i Bandera entitulá “BAN KONEKTÁ”.

 

E selebrashon aki seguramente lo bai ta unu grandi. E propósito ta pa trese hende huntu, trese konekshon, krea UNIDAT i naturalmente halsa nos Rei i Salbador Kristu Hesus.

E dia aki lo ta bai tin diferente kantante manera Willy Rodriguez, Gospel Society i Proskuneo NL ku huntu lo guia e pueblo den e presensia di Dios. Pastornan di House of Worship Hulanda Chesron i Juraima Richardson tambe lo tin un tremendo mensahe di enkurashamentu pa kompartí.

E selebrashon lo tuma lugá djasabra 2 di yüli 2022 di 19.00 pa 22:00 na House of Worship Hulanda kual ta situá na Pretoriusstraat 56, 2987 AK, Ridderkerk. Entrada lo ta kompletamente GRATIS i tur hende ta bon biní.

Huntu i komo UN pueblo nos ta konvensí ku di bèrdat e anochi aki lo ta unu bendishoná i ku e unidat entre nos lo bira mas fuerte.