TARIFA DI GASOLIN I DIESEL TA SUBI, ELEKTRISIDAT I AWA TA BAHA

WILLEMSTAD – Entrante djamars 28 di yüni 2022 e tarifa regulá di gasolin i diesel ta subi na
Kòrsou. E tarifa di elektrisidat i awa ta baha entrante djabièrnè 1 di yüli 2022. Esaki Bureau
Telecommunicatie en Post (BT&P) ta partisipá den su komunikado mensual riba e partikularidat
aki. BT&P ta supervisá e desaroyo di preis di produktonan petrolero i di utilidat.
Kálkulo tarifa produktonan kombustibel
E kálkulo di tarifa pa Mogas 95, Gasoil LSD, LPG 20 i LPG 100 konosé e komponentenan
1. Preis di kompra, 2. Impuesto di importashon LSD, 3. Garantia di suministro di kombustibel
(1a), 4. Garantia di suministro di kombustibel (1b), 5. Márgen pa Curoil, 6. Impuesto di konsumo
(Akseins), 7. Sùrplùs/Défisit (Recovery), 8. Supsidio krusá, 9. O.B. di 6% pa benta por mayor, 10.
Márgen pa agente, i 11. O.B. di 6% pa benta por detal. Pa sierto komponente e tarifa sero ta konta,
sea temporalmente òf nò. E tarifa pa benta por mayor ta inkluí e promé nuebe komponentenan
miéntras ku e tarifa pa benta por detal (na usuario final) ta inkluí tur komponente.
Ta determiná e preis di kompra, kaminda kalkulashon ta kuminsá, mensualmente pa e luna
siguiente a base di e reserva di kombustibel disponibel na final di luna pasá. Pues: e preisnan di
kompra ku ta stipulá pa yüli 2022, en prinsipio ta basá riba e reserva di kombustibel disponibel pa
final di mei 2022.
Den kaso ku si e informashon tokante di reserva duná dor di Curoil ta inalkansabel, lo tin ku sali
for di e kotisashon internashonal resien. E preisnan di kompra akí ta wordu revisá dor di notashon
di preis internashonal. Dor di e lapso aki den e mekanismo pa determiná preis, por ta nesesario pa
deskontá eventual diferensia entre e preis di kompra regulá i e montantenan di kompra real, di
forma retroaktivo via e elemento ‘Sùrplùs/Défisit’.
E fluktuashon di preis riba merkado internashonal e último simanan ta masha fuerte i e
desaroyonan na Kòrsou ta kana huntu den liña. Akibou ta sigui un resúmen di e desaroyo di preis
di krudo (WTI) i e preisnan di Platts pa Mogas i LSD for di prinsipio di 2022.

 


E tarifa pa usuario final pa Mogas 95 ta oumentá fuertemente komo konsekuensha di un oumento
drákstiko den preis di kompra. Pa por mitigá e oumento di preis a skohe pa implementá esaki den
dos stap mediante un korekshon negativo den e komponente Sùrplùs/Défisit. E tarifa usuario final
pa LSD ta subi tambe komo konsekuensha di un oumento den e preis di kompra. Ta plama e
défisitnan pa tantu Mogas komo LSD ofer di un periodo mas largu pa (mas aleu) pa mitigashon di
oumento di preis. E medidanan pa mitigashon sinembargo lo mester wòrdu korigí aún den e
próksimo lunanan.
Kálkulo tarifa awa i koriente
E kálkulo di e tarifa pa awa i elektrisidat tin dos komponente: e tarifa básiko i e klousula di
kombustibel. E klousula di kombustibel pa elektrisidat ta konsistí di dos elemento: kompra di
koriente i gastunan di kombustibel. E ‘kompra di koriente’ ta basá riba e preis pa e energia ku
tersernan ta suministrá, manera energia di bientu i di solo. ‘Gastunan di kombustibel’ ta enserá
produkshon di energia dor di Aqualectra mes. Tambe e klousula di kombustibel pa awa ta konsistí
di dos elementu, ku ta “kompra” basá riba preis di awa ku ta wòrdu suministrá dor di un terser
partido i e gastunan di elektrisidat pa produkshon di awa dor di Aqualectra mes.
Sin embargo, kada luna e uso di e diferente medio pa produkshon – e asina yamá ‘meskla di
produkshon’ ta varia. P’esei BT&P ta determiná e balor di e klousula di kombustibel
mensualmente basá riba e pronóstiko di Aqualectra, di kiko e meskla di produkshon lo bira, den e
kaso aki pa e luna di yüli 2022. Si un luna despues resultá ku e elemento akí tabata muchu haltu òf
muchu abou, ta korigí esaki. Den e kaso akí, ta trata di e luna di mei 2022.
BT&P ta determiná e tarifa básiko pa tantu awa komo elektrisidat un biaha pa aña. E tarifa akí ta
enserá tur otro gastu (fiho) pa e produkshon di awa i elektrisidat i tambe e gastunan pa e
distribushon i e entrega di esakinan, manera gastu di personal, di mantenshon, depresiashon, etc.
E bahada di tarifa pa elektrisidat i awa ta resultado di e promedio kosto di kombustibel abou pa
produkshon di elektrisidat respektivamente kosto di elektrisidat abou pa produkshon di awa, e
produkshon miksto pronostiká i tambe un faktor di korekshon abou ofer di mei 2022.
Aprobashon i fihamentu
BT&P ta asesorá Konseho di Minister (KdM) enkuanto e tarifanan nobo. Solamente despues ku e
KdM aprobá e propuesta, e Minister pa Desaroyo Ekonómiko, ku a la bes ta enkargá ku asuntunan
di energia, ta fiha e tarifanan. Eseinan ta e tarifanan máksimo ku por usa un luna largu.
Ku e prosedura akí, ku ta konsiderá faktornan internashonal i lokal, e supervisor BT&P ta vigilá e
entrega di kombustibel, awa i elektrisidat na e poblashon lokal di forma independiente i
transparente, pa esaki ta kontínuo i rasonabel.
Por mira e ahustenan eksakto den e tarifanan riba http://www.btnp.org.

This site uses Akismet to reduce spam. Learn how your comment data is processed.

%d bloggers like this: