Selebrashon riba Dia di Bandera: Ambiente di ‘Flag Day Bazaar’  na Renaissance Mall & Rif Fort 

Selebrashon riba Dia di Bandera:

Ambiente di ‘Flag Day Bazaar’ 

na Renaissance Mall & Rif Fort 

 

WILLEMSTAD – E ‘Flag Day Bazaar’ di Renaissance Mall & Rif Fort ta bèk despues di 3 aña! Manera kustumbrá e ambiente lo tuma lugá riba djasabra dia 2 di yüli. Establesimentunan lo ta habrí i e bazar lo konsentrá rònt di e fòntein, e área di hotèl i den Rif Fort ofresiendo promoshonnan for di 10’or di mainta te ku 6’or di atardi. Manera semper e ‘Flag Day Bazaar’ di Renaissance Mall & Rif ta wòrdu konsiderá un dia den famia ta p’esei mes lo tin un área spesial pa mucha ku diferente wega i pintamentu di kara. Tambe, lo tin demostrashon di maramentu di lensu, un eksposishon di outonan Mustang, artesania i diferente stènt di kuminda ku e.o Pan ku Stobá i Sòpi. 

 

Durante di henter dia lo tin músika i entretenimentu; lo presentá e.o Típiko Elegansia, Grupo Den Chikí, Dj Lucy i hopi mas. Lo tin animashon musikal te ku 11’or di anochi. Naturalmente bishitantenan tin tambe amplio variashon di restorant pa skohe for di dje si ta deseá di kombiná e bon ambiente ku un sena. Nos ta topa riba Dia di Bandera na Renaissance Mall & Rif Fort!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: