Trio detené pa ladronisia di kabritu.

Klik hier oom naar onze FaceBook te gaan: https://www.facebook.com/profile.php?id=100045700818054
KOMUNIKADO DI PRENSA 336 /2022
5 yüli 2022
Trio detené pa ladronisia di kabritu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 5 di yüli 2022 alrededor di 15.53’or, Sentral di Polis a dirigí un unidat di Barber pa
un tereno na San Pedro unda tres hòmber tabata hortando kabritu for di riba e tereno.
Na yegada di e unidat el a topa dos hòmber ku un kabritu ku nan a kaba di mata.
Un di tres sospechoso a trata na kore bai pero algun ratu despues a bin enkontr’é den e
besindario.
E hòmbernan aki tabata den posishon di un rifel kaliber 22 ku polis a konfiská.
Na e sítio e unidat a detené e hòmbernan sospechoso D.A.G.O, R.R.H.S. i R.C.W di
respektivamente 28, 21 i 27 aña di edat, tur tres nase na Kòrsou.
A presentá e trio dilanti di un fiskal ouksiliar ku a ordená nan enkarselamentu pendiente di
mas investigashon.
