KÒRSOU KU POTENSIAL PA BIRA UN ‘HUB’ PA EKSPORTÁ ENERGIA REUSABEL

MINISTERIO KONSERNÍ ASUNTUNAN GENERAL I PROMÉ MINISTER

 

KÒRSOU KU POTENSIAL PA BIRA UN ‘HUB’ PA EKSPORTÁ ENERGIA REUSABEL

PUBLIKÁ RIBA 06 YÜLI 2022

WILLEMSTAD – Kòrsou por bira un ‘hub’ pa eksportá energia reusabel. Ya kaba tin diálogonan ta tuma lugá tokante e tópiko akí entre mandatarionan di Kòrsou i Hulanda. E posibilidat ta grandi pa Kòrsou riba término por produsí kombustibel i materia prima a base di energia trahá pa medio di mulinanan di bientu. Esaki a sali for di un raportahe di e organisashon TNO, ku ta splika ku Kòrsou tin lokalidatnan ekselente den laman pa por produsí energia di bientu.

E diálogo tokante e posibilidat akí a kuminsá den forma di deliberashonnan entre Minister plenipotensiario Carlson Manuel ku Minister di Asuntunan Ekonómiko i Klima di Hulanda, Rob Jetten. Kon serio e prospekto akí ta, ta e echo ku den Minister Jetten su raportahe na parlamento di Hulanda ta menshoná eksplisito e posibilidat akí pa Kòrsou por bira un ‘hub’ den region pa hidrógeno (waterstof). Esaki lo sòru pa mas akseso na energia reusabel i pa kresementu ekonómiko duradero.

Riba pòrtrèt Minister plenipotensiario Carlson Manuel i Minister Rob Jetten.