SOAW ta duna sosten finansiero pa paña pa skol.

 


Willemstad – Pa e periodo eskolar nobo, mayornan por risibí sosten finansiero di Ministerio di Desaroyo Soshal, Labor i Bienestar, pa kompra di paña pa skol.

Kobradónan di ònderstant lo risibi pago di sèn pa paña pa skol (kledinggeld) pa aña 2022 den kinsena 16/2022, ku fecha di pago riba promé di ougùstes 2022.  

 

Personanan ku tin un entrada bou di sueldo minimo, por pasa entrante 25 yüli 2022 na e Kas di Bario konserní pa hasi nan petishon.

 

Ken por bini na remarke pa risibí sèn pa paña pa skol :

 

– Yu di mayor o tutor ku ta kobra ònderstant òf tin un entrada bou di sueldo minimo.

– Yu, mayor i/o tutor mester ta inskribí den Registro Sivil di Kòrsou. 

– Yu di un estranhero ku tin un pèrmit bálido i ta inskribí den Registro Sivil di Korsou.

– Yu ku ta kai bou di lei di skol obligatorio i ta bishita un skol di Fundeshi, skol spesial, SBO, HAVO, VWO – supsidiá dor di gobièrnu (edat entre 4 pa 18 aña).

 

Kua dokumentonan mester entregá na momentu di un petishon :

 

  • Sédula, reibeweis o pasport bálido di mayor o tutor o e persona outorisá ku ta bin hasi petishon.
  • Sédula di yu o papel di òp o buki famia.
  • Deklarashon ku e yu ta inskribi na skol (schoolverklaring) aña 2022-2023 si e yu ta riba 18 aña.
  • Esnan ku tin un entrada bou di sueldo minimo mester trese e deklarashon di entrada di Inspekshon di Belasting.
  • Esnan ku tin un entrada bou di sueldo minimo, si tin kuenta koriente di Maduro & Curiel’s Bank o otro banko nan lokal, mester trese e number di kuenta tambe.

 

Petishon pa sèn di sosten pa paña di skol (kledinggeld) por ser entregá na e siguiente Kasnan di Bario :

 

Punda/Banda Ariba – tel : 724-5251

Otrobanda/Banda Abou – tel : 724-5253

Sta Maria – tel : 724-5252

Brievengat – tel : 724-5254

 

Último dia pa entregá petishon i hasi keho relashoná ku sèn pa paña pa skol ta dia 10 òktober 2022.

 

Minister di Desaroyo Soshal, Labor i Bienestar

Minister Ruthmilda Larmonie-Cecilia

Share this page to Telegram

This site uses Akismet to reduce spam. Learn how your comment data is processed.

%d bloggers like this: