BOTIKARIO VAN DIJK- WIERSMA A HURAMENTÁ SERKA MINISTER DOROTHY PIETERSZ- JANGA

MINISTERIO KONSERNÍ SALUBRIDAT PÚBLIKO, MEDIO AMBIENTE I NATURALESA

 

BOTIKARIO VAN DIJK- WIERSMA A HURAMENTÁ SERKA MINISTER DOROTHY PIETERSZ- JANGA

PUBLIKÁ RIBA 23 MART 2022

 

Willemstad – Resientemente un botikario nobo, drs. Ashley van Dijk- Wiersma,  a huramentá den presensia di nos Minister di Salú, Medio Ambiente i Naturalesa, dr. Dorothy Pietersz- Janga.

Pa medio di un mandato di gobernador, Minister Pietersz – Janga ta esun enkargá ku huramentashon ofisial di botikarionan nobo. Di e forma akí, sra van Dijk-Wiersma ,komo botikario nobo, a kumpli ku eksigensianan di nos leinan vigente pa e por ehersé su profeshon aki na Kòrsou.
Despues di e akto ofisial, Minister Pietersz- Janga a felisitá señora Van Dijk- Wiersma i a dese’é tur klase di éksito den su karera. Señora Van Dijk- Wiersma a bin establesé su mes permanentemente na Kòrsou i lo ta laborando siguientemente na Botika Stakamahachi.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: