AGENDA KRIOYO BASIKO ENTREGA NA MINISTER DI GMN

Resientemente, a tuma lugá entrega di Agènda Krioyo Básiko 2022/2-23 na Minister di GMN Sra. drs. Dorothy Pietersz-Janga.
Na e okashon aki, Ing. Gabriel Murry a mustra kon nan di AVB/LMN a gara e inisiativa aki ku ta unu positivo. Minister Dorothy Pietersz-Janga mes a bisa ku p’e ta un honor ku tin un agènda ku informashon di GMN.
E agènda aki ta bini hustamente den e aña ku Minister a proklamá aña di limpiesa i limpiesa ta kuminsá serka nos muchanan.
Sra. Milly Hart di su parti a mustra ku ta pa di 18 aña ku nan ta traha agènda pa mucha. E aña aki nan a konsentrá riba Tene Kòrsou limpi i bunita i dor di uso di nan agènda di skol nan ta yuda konsientisá e muchanan. E agèndanan aki lo ta gratis optenibel na skol. Ta e skol ta determiná kua ta e muchanan ku ta bini na remarke pa esaki.
Minister Dorothy Pietersz-Janga ta sumamente positivo ku e proyekto aki, kaminda muchanan ta bini na remarke pa haña un agènda ku ta yuda nan pa konsientisa nan mes i nan mayornan pa yuda tene Kòrsou limpi.
Share this page to Telegram

This site uses Akismet to reduce spam. Learn how your comment data is processed.

%d bloggers like this: