Un trato sublime di presidente di Amak durante su estadía  na Hulanda.

Riba invitashon di e stichting “ Liefde voor elkaar” bou di presidensia di Sra. Ruth Bata, presidente di Amak ,sr. Manfred Feko Gomes a asistí na e festival di tumba na Rotterdam i despues tambe a keda,  pa eksperensiá e parada di Zomer Karnaval di Hulanda.

Sr Rignald Maduro tambe  a risibí e invitashon pa fungi komo Maestro di seremonia, lokual ela hasi di un forma tremendo profeshonal.a

Durante su estadia na Hulanda, srs.Gomes i Maduro a risibí un trato sublime.

Un sala di “Sunrise”  kompletamente yen durante e festival tabata duna muestra di apresio kontinuamente  na presidente di Amak.

Un palabra di gradesimentu ta bai na Hermanito ku a graba henter e aktividat, i sr.Darwin Gregg, ku tambe a realisá un transmishon direkto pa Kòrsou pa medio di Radio Krioyo.

 

Pa motibu di kompromisonan na Kòrsou, sr Rignald Maduro a regresa Kòrsou después di e festival, i e  komishon organizador a pèrkurá pa diariamente duna atenshon máksimo na presidente di Amak.

Un akto masha di apresiá ta e forma ku e gerensia di “Stichting Zomer Karnaval Nederland”bou di presidensia di sr.Karel Willems a risibí sr. Gomes i e komishon di Sra Bata na “Stadhuis’,

pa for di e tribunanan ey , disfrutå di e parada di karnaval..

 

Nos agrupashonnan musikal, manera Gentz, One i Icons  a  sobresali durante  e parada.

Un gesto ku sr.Gomes a apresiá, tabata e saludo musikal di e frònt di Icons na momento ku nan a pasa dilanti di Stadhuis.

Sr.Gomes ta hopi kontentu ku durante su estadia ela bishitå

  1. Carlson Manuel pa interkambiå riba diferente temanan.

Un notisia   hopi alentador, ta e plannan ku e minister tin, pa biaha pa Kòrsou, ku un delegashon di Buma/Stemra, pa wak kon awor si definitvamente, por yega na palabrashonnan definitivo , relashonå ku derecho di outor.

Amak sigur lo duna su aporte kaminda esaki ta nesesario.

Finalmente un palabra di gradesimentu na sr. Hugo Clarenda di CTB, ku a duna un aporte na e proyekto.

E parada di e “Zomer Karnaval” ta atrae mas ku ½ mion di hende, no solamente di residentenan na Hulanda, sino tambe for di otro paisnan Oropeo, gosando kantu di ruta.

E  Stichting Zomer karnaval, ta para positivo, pa krea e espasio nesesario, pa nos por hasi nos partisipashon mas visibel, i di e forma ey promove nos país pa atrae mas turista for di Hulanda.

Direktiva di Amak durante su reunión ku CTB, lo trese algún sugerensia na gerensia di CTB.

Finalmente nos kier manda palabranan di gradesimentu na  algún di e personanan ku a  duna un sosten grandi na sr. Manfred Feko Gomes durante su estadia na hulanda, i hasi e biahe aki algu inolvidabel

Nos ta referi aki na e siguiente personahenan; Ruthlin Batta;Judalies Andrissen;Jack Licie; Aisha Wanga;i Urnic Leito.

Un homenahe na sr. Gomes ku ta bale la pena.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: