PROMÉ MINISTER GILMAR PISAS A BISHITÁ E INSTITUTO PÚBLIKO SENA NA COLOMBIA

Willemstad – Promé Minister sr. Gilmar Pisas a hasi un bishita na e instituto públiko SENA na Bogota, Colombia dia 8 di ougùstùs 2022.

 

E delegashon di SENA ku a risibí Promé Minister sr. Pisas tabata konsistí di Dra. Adriana Colmenares Montoya (Directora de Promoción y Relaciones Corporativas), Dr. Rodolfo Martínez Pérez (Subdirector Centro Diseño y Metrología), Dra. Marcela Ramos Arroyave (Coordinadora de Relaciones Internacionales y Cooperación) i sra. Daniela Santamaria Uribe (Asesora Cooperación Sur-Sur Zulma Rincón. Periodista, Oficina de Comunicaciones).

 

Durante di e bishita di trabou ku Promé Minister sr. Pisas tabatin na Colombia e la hasi uso di e oportunidat pa bishitá e instituto SENA (Servisio Nacional de Aprendizaje) pa por a risibí mas informashon general, será konsoí ku instruktor i trainernan, e infrastruktura, teknologia i bon práktikanan ku SENA ta usa pa train un studiante i òf trahadó.

Gobièrnu di Kòrsou a tuma nota ku for di aña 2019 a firmá un MOU ku SENA.

 

SENA ta un instituto independiente públiko, ku ta risibí subsidio di e Gobièrnu na Colombia i tambe tin sierto fonndonan ku e instituto ta traha kun’é. Tin diferente empresa ku ta duna sosten na e instituto aki mirando kon e ta yuda pa empresanan por haña hende spesialisá i bon prepará mesora riba diferente área di trrabou.

 

SENA ta un inisiativa di e Gobièrnu Colombiano kual su ophetivo ta pa desaroyá programanan di formashon profeshonal pa e forsa laboral komo un medio pa oumentá i mehorá oportunidat pa trabou i tambe e kalidat di implementashon di programanan ku tin impakto riba e sektor produktivo Colombiano.

E meta prinsipal  di SENA ta pa desaroyá edukashon i promové empleo i ta desaroyá kuríkulonan di TVET (Technical and Vocational Education and Training).

SENA ta duna kursonan akreditá riba diferente área i tambe ta prepará train-the-trainers. 

SENA ta traha den koperashon ku mas di 10 pais riba plano internashonal i ta duna kursonan den diferente idioma.

E kursonan ta keda duná gratis na SENA i por sigui esakinan den forma digital, virtual òf personal.

 

Tres tarea prinsipal ku SENA ta traha riba dje ta:

Programanan di formashon;

Entrepreneurship;

Formashon spesialisá pa trahadonan.

 

Promé Minister sr. Pisas a haña e oportunidat pa presensiá un presentashon general di e instituto SENA i tambe bishitá diferente laboratorio, entre nan e laboratorio di koperashon ku e empresa Siemens i e laboratorio di simulashon di variabelnan di un proseso industral. Tambe a haña oportunidat pa bishitá e sentro di Cibersecurity di kual e kursonnan ta keda ehekutá den aliansa ku MNEMO Cibersecurity. E sentro aki tin un luna di eksistensia i ya a krea trabou pa diferente di esnan ku a sigui un kurso na e sentro aki. 

 

SENA ta un gran oportunidat i posibilidat pa nos hendenan por sigui kursonan di durashon kòrtiku pa por ta mihó prepará i spesialisá riba diferente área, hasi transferensia di konosemento, partisipá den programanan di train-the-trainer, i tur esakinan sea den forma digital, personal òf virtual gratuitamente.

 

Promé Minister sr. Pisas tabata hopi satisfecho ku e bishita aki kaminda e por a atkerí hopi informashon i tambe tuma nota di e funshon i logronan di e instituto SENA.