Minister Ruisandro Cijntje Mi a tuma nota di e suseso lamentabel na Sandals Royal Curaçao.

Loke mi ta haña mas lamentabel ta tur e kritika i mensahe nan negativo ku nos pueblo ta manda den direkshon di e hotel.

Mi ta kere ta ora pa nos realisá kon importante e sektor di turismo ta pa nos pais.

Ayera CTB a publiká ku Kòrsou a surpasa sifranan di turismo pre-pandemia i esaki ta netamente debí na loke nos ta yama e “Sandals effect”.

Sandals ta target netamente e merkado merikano ku nos ke drenta i engrandesé i nos mester ta konsiente ku e notisia nan aki ta yega na e merkado nan aki tambe i ku ta stroba desaroyo positivo pa nos pais.

Kos pa drecha tin semper, pero laga nos hasi esaki dor di traha huntu, skucha otro i respetá otro.