FRAKSHON DI MAN Pa sra Giselle Mc William di MAN MESTER ATENDE KU ABUSU LABORAL KU MAN DURU

No por aseptá esaki mas
Resientemente Ministerio Públiko a duna su relato anual unda nan ta indiká e aumento di abuso laboral ku ta tumando lugá ku personanan indokumentá i ku den kuadro di lei ta difisil pa por atende ku esunnan ku ta hasi nan kulpabel pa tipo di abusonan laboral aki.Algun doño di trabou ta hasi mal uso di e situashon di e personanan aki ku no tin leinan pa salbaguardia nan derechi.
Diginidat humano ta un di Frakshon di MAN su prinsipio kual nos ta konvensí ku mester keda salbaguardia.
Bisando esaki Frakshon di MAN ta di opinion ku Ministerio di Desaroyo Sosial, Labor i Bienestar ku ta responsabel pa kòntròl laboral mester hasi tur kos nan alkanse pa evitá e tipo di abusunan aki ku tin tinta di sklabitut moderno den un pais.
Den mesun topíko pa ku supuesto abuso laboral na Hotel Sandals ku ta pone un mancha negativo riba e bunita proyekto aki, pero tambe e sektor di hospitalidat general.
Pesei Frakshon di MAN ta urgi Minister di Desaroyo Sosial, Labor i Bienestar pa atende ku e situashon aki hasi un investigashon profundo i trese klaridat i trankilidat.
Importante ta pa sa kiko ta realmente ta pasando ku na Hotel Sandals pa asina atende esaki mas lihe ku ta posibel.
Den kuadro di esaki sra Giselle Mc William hasi e siguiente preguntanan na Minister konforme reglamento di orden di Parlamento
1. Minister a tuma nota di e relato anual di Ministerio Públiko unda ta indiká e aumento abuso laboral pa ku personan indokumentá ?
2. Minister a tuma nota di prekupashonnan laboral na Hotel Sandals?
3. Ku ki regularidat Inspekshon di Labor ta hasi kòntròl na boka di trabou?
4. Kiko ta resultado di e kòntròlnan aki?
5. Kiko Minister su maneho ta evitá kual kier tipo di abuso laboral?
6. Kiko Minister su maneho ta pa yuda atende ku étika laboral ?
7. Kiko ta Minister su vishon pa ku edukashon di nos leinan laboral tantu pa doño di trabou i trahadornan?
Share this page to Telegram

This site uses Akismet to reduce spam. Learn how your comment data is processed.

%d bloggers like this: