KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

KASO PROBABEL DI MONKEYPOX NA KÒRSOU

MINISTERIO KONSERNÍ SALUBRIDAT PÚBLIKO, MEDIO AMBIENTE I NATURALESA

 

KASO PROBABEL DI MONKEYPOX NA KÒRSOU

PUBLIKÁ RIBA 16 OUGÙSTÙS 2022

WILLEMSTAD — Ministerio di Salubridat, Medio Ambiente i Naturalesa (GMN) ta sigui informá tokante di e malesa di Monkeypox, kual tambe ta ser yamá “apenpokken”.

Dia 15 di augustus 2022, e promé kaso probabel di Monkeypox a ser detektá na Kòrsou. Ta trata di un persona ku a regresá resientemente for di eksterior, di kual e promé tèst a sali positivo pa e vírùs di Monkeypox.

E resultado aki mester keda konfirmá via un segundo tèst di laboratorio, pa por definitivamente klasifiká e kaso aki komo unu konfirmá.

E persona ta aktualmente den isolashon. Departamento di Epidemiologia (EPI) i departamento di Infectieziektebestrijding (IZB) di Servisio di Salubridat Públiko di Kòrsou (UO G&Gz, ántes GGD) ta hasi tur e trámitenan nesesario pa kontené transmishon di e vírùs aki di hende pa hende mas tantu posibel. Ministerio di GMN ta keda informá komunidat.

Pa mas informashon tokante Monkeypox, su posibel síntomanan i kon por prevení e transmishon “like” nos Facebook page “Ministry of Health, Environment and Nature Curaçao”.

Leave a Reply

This site uses Akismet to reduce spam. Learn how your comment data is processed.