“MIX & MATCH SOFTBALL TOURNAMENT” edishon # 1 Organisá pa Fundashon Pro Baseball Montaña Abou (MONTAB)

Den kuadro di selebrashon di Fundashon Pro Baseball Montaña Abou (MONTAB) su di 20 aniversario, MONTAB ta organisá un turneo den kual Mayornan, Teknikonan i miembronan di Direktiva di organisashon di Little League Baseball di Liga Pariba, Liga Pabou i Liga Willemstad por forma nan ekiponan i partisipá. MONTAB ta konsiderá e turneo aki un turneo den kual por yuda kreá un mihó relashon entre Mayornan, Teknikonan i miembronan di direktiva. Tambe ta duna oportundiat na e muchanan pa nan mira nan mayornan i teknikonan den akshon i apoyá nan.

 

“MIX & MATCH SOFTBALL TOURNAMENT” ta tuma lugá e dianan 3 & 4 di sèptèmber i 10 & 11 di sèptèmber (dos wikènt) na MONTAB Ballpark A (vèlt grandi) & B (vèlt chikí) i ta

dediká na señora Diana Daal. Un persona ku tur hende ku a sigui deporte konosé komo un estrea den softball fastpitch femenino den añanan 1960 te 1990 i naturalmente Diana ta sumamente konosí den mundu di baseball Little League. Diana pa 20 aña a dediká su bida na yuda train i prepará muchanan (entre 4 pa 16 aña) di entre otro bario di Montaña Abou.

 

Organisashonan ku ta afilia Curacao Little League Baseball por kompetí den e siguiente kategorianan :

KATEGORIA MAYORNAN : Mayornan ku nan yunan ta miembro di un organisashon di Little League for di Baby League te ku Senior League por partisipá. E ekiponan di mayornan mester kedá formá dor di por lo menos 5 mayor femenino i 5 mayor maskulino riba tereno di wega. Esta un COMBI (loke ta konosí komo COED).

KATEGORIA TEKNIKONAN/DIREKTIVA : Timnan por ta formá pa Tekniko i miembro di Direktiva maskulino komo femenino. Partisipashon di e mayor femenino den e kategoria aki no ta un eksigensia.

 

“MIX & MATCH SOFTBALL TOURNAMENT” lo implementá mesun reglanan ku ta usa den HOPE Softball Tournament i lo hunga ku bala moli i bala butá.

 

Organisashonnan di Liga Pariba, Liga Pabou i liga Willemstad ku ta deseá na partisipá por tuma kontakto ku G-no Valeriaan na telefon 524-1066 of Sidiane Laker 520-0797 of por manda un email na Montab2002@gmail.com. Ultimo fecha pa inskripshon ta dia 22 di ougustus 2022. Partisipashon ta limitá.

This site uses Akismet to reduce spam. Learn how your comment data is processed.

%d bloggers like this: