Promé edishon di Sambil Pet Gala Fashion Show tabata un éksito “Tur djaweps ta pet friendly na Sambil”

 

 

Riba djaweps 25 di Ougùstùs Sambil pa di promé biaha a organisá un Pet Gala Fashion Show di kual  previamente partisipante nan a inskribí i a partisipá na un pre-selekshon via di un oudishon (casting) i ayera a bin kulminá den e evento final.

For di aña 2019, Sambil den un esfuerso pa konsientisá e pueblo di Kòrsou i mustra riba e importansha di kuida i stima nos animal nan a lansa ofisialmente “SAMBIL PET FRIENDLY” kaminda tur djaweps ta permití pa bishitantenan drenta e sentro komersial ku nan maskota.

E fashion show aki tambe ta forma parti di e programa i inisiativa aki. E ganador apsoluto kual ta “MIA” a resultá e maskota ganador di un Goodie Bag na balor di NAF 500,- kortesia di Veeris Pet Center i un name tag personalisá di Dva Paws. E kacho mas kreativo “PING” a risibí un gift set di Pet Fashion i un saku di kuminda kacho di United Sugar Trading. Tur partisipante a risibí un regalito speshal. Un danki di kurason na tur partisipante i demas sponsors nan KC flowers i Peluqueria Canina Grooming.

Keda pendiente pa mas aktividat, no solamente pa kacho sino tur tipo di bestia domestiko kaminda lo tin e posibilidat pa entre otro adoptá un maskota, risibí mas info tokante salú i training di maskota i hopi mas.  

Esaki sin duda ta un tremendo inisiativa kaminda Sambil ta hasi posibel pa kombina entretenimentu, fashion i compra bou di un dak huntu ku bo maskota i alabes keda riba e nivel di sentro komershial nan mundialmente konosí ku tambe ta pet friendly.

Sambil ta invitá tur esnan ku tin amor i pashon pa nan maskota pa bin i disfrutá ku nan maskota. Sambil mas ku un sentro komershal lo sigui kontribuí na futuro di nos dushi Kòrsou i tambe nos maskota nan!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: