INTELLIGENT TRANSPORTATION SYSTEM CARIBBEAN & LATIN AMERICA TA SALI NA PROMÉ LUGÁ DEN E FINAL DI E DI DOS EDISHON DI E KOMPETENSIA NASHONAL DI ENTREPRENEURSHIP WORLD CUP KÒRSOU

INTELLIGENT TRANSPORTATION SYSTEM CARIBBEAN & LATIN AMERICA TA SALI NA PROMÉ LUGÁ DEN E FINAL DI E DI DOS EDISHON DI E KOMPETENSIA NASHONAL DI ENTREPRENEURSHIP WORLD CUP KÒRSOU

 

Intelligent Transportation System Caribbean & Latin America ta pasa pa e siguiente ronda i lo kompetí na luna di novèmber den e kompetensia na nivel regional pa un di e puestonan den e Tòp 100 di e Final Global di EWC ku lo tuma lugá na luna di mart di 2023.

 

Final di e di dos kompetensia nashonal

E organisadónan di Entrepreneurship World Cup Kòrsou, Reshapers (anteriormente konosí komo D&I), Tao Curaçao i Six & Ten Group, huntu ku nan branding partners Korpodeko, BT&P, APC, Cinex, Ministerio di Desaroyo Ekonómiko (MEO), Kontentu, Curacao Marriot Beach Resort, Sambil i Flow, a tene e final di e di dos edishon di e kompetensia nashonal dia 1 di sèptèmber na Museo Kurá Hulanda. E inisiativa akí ta kombiná un kompetensia di ‘pitch’ ku un alkanse amplio, dirigí na kompanianan for di esnan den fase di idea te ku esnan den fase di kresementu. E partisipantenan a partisipá den 6 diferente seshon lokal di bootcamp, banda di un programa aseleradó virtual pa yuda nan lansa, fortifiká i eskalá nan empresanan. E ganadó di Kòrsou ta bai kompetí den e Final di Karibe pa optené un lugá den e Final Global. Den luna di mart 2023 e finalistanan global lo kompetí den e Foro Global di Misk na Riyadh, Arabia Saudita.

 

E Ganadó

Intelligent Transportation System Caribbean & Latin America: ITS Caribbean & Latin America ta un kompania establesé na Kòrsou spesialisá den sistemanan di transportashon inteligente i solushonnan di mobilidat inteligente. Pa medio di koperashonnan i partnernan internashonal, ITS ta promové solushonan di mobilidat inteligente entre paisnan i sektornan.

 

E Siguiente Pasonan

Komo parti di e preparashon pa e final regional di Entrepreneurship World Cup, Luigi Scuotto lo partisipá den un programa di aselerashon. E programa ta inkluí training i mentorado personal basá riba e fase aktual di e kompania i e trayektoria di kresementu ku StartHub Curaçao ta ofresé.

Intelligent Transportation System Caribbean & Latin America a sali viktorioso for di un total di 33 partisipante ku a apliká – kada un risibiendo akseso na servisio di training virtual grátis i te ku $25.000 na benefisio pa yuda elevá nan negoshi pa e siguiente nivel.

E otro finalistanan di e di dos edishon nashonal di EWC Kòrsou ta inkluí:

The Space di Caroline Kolk, ta un sentro di salú i bienestar holístiko ku ta sostené individuonan riba nan trayektoria pa buska bienestar mental, emoshonal, físiko i spiritual.

Lil’ Foodies di Kimberley Schoop. Lil’ Foodies ta un klup di kushinamentu kaminda muchanan ta siña e base di kushinamentu, ta sera konosí ku ingredientenan nobo i ta mehorá nan kreatividat, smak i konfiansa.

 

E huradonan pa e kompetensia tabata:

Guido Rojer, Fundadó i Direktor, Caristat

Curd Evertsz, Asistensia General i Bosero, Guardian Group

Dimitros Janga, Sr. Development Manager, Korpodeko

Louis Martina, Ko-Fundadó i Direktor, Six & Ten Group

Neysa Isenia CFO, Aqualectra

Curd Belfor, BTP