Detenshon relashoná ku maltrato.

KOMUNIKADO DI PRENSA 421 /2022
9 sèptèmber 2022
Detenshon relashoná ku maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 9 di sèptèmber 2022, personal di reshèrshi a detené un dama relashoná ku
maltrato.
Detenshon di e sospechoso R.F.J. di 63 aña di edat nase na Kòrsou ta enkonekshon ku un
denunsia ku un miembro di famia a hasi kontra propietario di un kas di kuido situá riba
Andres Belloweg.
For di deklarashon di tantu e miembro di famia komo e pashènt a sali na kla durante di
investigashon, ku e pashènt tabata wòrdu maltratá dor di gerensia i/o personal di e
instituto.
Riba òrdu di fiskal di Ministerio Públiko a detené e dama propietaria di e kas di kuido
alrededor di 10.35’or na e instituto en kestion.
A present’é dilanti di un fiskal ouksiliar ku a ordená kontinuashon di e investigashon.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: