MINISTER ODUBER HUNTO CU MINISTER KUIPERS A BISHITA TEXAS MEDICAL CENTER INNOVATION

Minister Dangui Oduber

 

MINISTER ODUBER HUNTO CU MINISTER KUIPERS A BISHITA TEXAS MEDICAL CENTER INNOVATION

 

HOUSTON – Minister Oduber durante su estadia na Houston hunto cu minister Kuipers di salud a bishita TMC (Texas Medical Center) Innovation Institute. Esaki por wordo considera manera e compania “google” den cuido medico. E tawata un bishita impresionante caminda nos a experiencia e futuro den cuido, caminda innovacion y tecnologia ta central. 

 

Minister Oduber a haña un oportunidad pa conoce Billy Cohn, cu ta e director di Johnson & Johnson’s Center for Device Innovation na Texas Medical Center. Ministers Oduber y Kuipers a ricibi un rondleiding pa conoce mas kiko tur ta wordo haci na e institucion aki.

 

Loke nan ta haci na e instituo aki, ta diseña tur loke no ta existi pa mehora cuido usando innovacion y tecnologia. Simplemente algo cu bo no por ni imagina. Billy Cohn a presenta durante e recorido un curason artificial cu por reemplasa henter un curason humano. E ta den periodo di prueba y otro aña 2023 lo haci e prome operacion riba un ser humano. Nan ta spera di por scapa miyones di bida humano usando e metodo aki.

 

E instituto aki tambe ta traha cu diferente otro compania den e ramo di salud medico cu ta interesa pa coopera globalmente pa incorpora innovacion den diferente tratamento. Un experiencia inolvidabel pa por tawata presente na TMC. Bunita di esaki tawata cu nan kier sigui e combersacionan di coloboracion entre TMC, Hulanda y Aruba. Loke tin na innovacion por medio di tecnologia ta increibel.

E tawata hopi impresionante pa haya tur e informacion di loke ta pasando den e mundo di tecnologia den cuido medico.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: