Gobièrnu di Boneiru DIPUTADO CRAANE TA SOSTENÉ ‘ONE STOP SHOP’ DI KÁMARA DI KOMÈRSIO

Durante e seminario di Kámara di Komèrsio dia 21 di ougùstùs, diputado Jolinda Craane a ekspresá su enkurashamentu pa lansamentu di e ‘One Stop Shop’ di Kámara di Komèrsio. E ta spera ku bonerianonan ku ta kana rònt ku intenshon di lanta nan propio negoshi, ta pasa un ratu na Kámara di Komèrsio. Akí nan ta haña tur informashon i nan ta tende kua ta e pasonan ku nan tin ku tuma.

Kámara di Komèrsio ta hasi esaki pa hasi lantamentu di un negoshi mas simpel. Banda di esaki tin un portal di informashon tambe pa tantu negoshinan ku ta kuminsando, komo pa negoshinan eksistente tambe. Pa empresariado na nos isla ta bon pa empresarionan por haña e informashon korekto na un manera simpel i pa nan sa kiko nan tin ku hasi ora di kuminsá ku un negoshi.

GEDEPUTEERDE CRAANE SUPPORT HET ONE STOPSHOP VAN KVK

Tijdens het KVK-Seminar op 21 augustus sprak Gedeputeerde Craane haar bemoediging uit voor de lancering van “KVK One Stop Shop”. Ze hoopt dat Bonairianen die rondlopen met het idee een eigen bedrijf te starten langsgaan bij de Kamer van Koophandel. Daar worden ze voorzien van informatie en welke stappen te nemen.

Dit wordt gedaan om het starten van een onderneming te vereenvoudigen. Daarnaast is er ook een informatieportaal voor zowel startende bedrijven als ook bestaande bedrijven. Het is voor het ondernemerschap op het eiland goed dat men de juiste informatie eenvoudig kan verkrijgen en weet wat te doen bij het starten van een bedrijf.