Minister Javier Silvania Atenshon pa derechi di personanan ku ta hunga wega di plaka online.

Minister Javier Silvania

Atenshon pa derechi di personanan ku ta hunga wega di plaka online.
WILLEMSTAD – Minister di Finansa resientemente a sinta na mesa ku sra. Cramm ku ta e direktora di Stichting Belangenbehartiging Gedupeerden Online Kansspelen (SBGOK) i sr. Bijkerk ku ta abogado. E fundashon ta para pa e derechinan di e personanan ku di un òf otro manera a keda perhudiká dor di hunga wega di plaka online na Kòrsou.
Manera ta konosí, minister Silvania ta trahando riba modernisashon di e Landsverordening op de Kansspelen (LOK). Durante e trayekto akí ministerio di Finansa ta traha di aserka ku diferente stakeholder den e sektor. SBGOK sigur por duna informashon balioso, kaminda ta nesesario, mirando ku nan perspektiva ta di e hungadó.
Despues di a sera konosí, a elaborá riba e responsabilidatnan di e sektor di online gaming ora pa loke ta trata kumplimentu (compliance), responsabilidat i tambe supervishon. Un punto importante ku SGBOK a trese dilanti ta e pago na e hungadónan. Ta sosodé ainda ku personanan no ta risibí nan sen ora nan hunga wega di plaka online. Esaki sigur ta un punto di atenshon pa minister Silvania tene na kuenta.
Den futuro minister, meskos ku e ta hasi ku tur otro partido, lo sinta na mesa ku SGBOK pa asina por haña mas informashon tokante e siguridat di e hungadó den e sektor di online gaming.
Share this page to Telegram

This site uses Akismet to reduce spam. Learn how your comment data is processed.

%d bloggers like this: