Detenshon relashoná ku atrako.

KOMUNIKADO DI PRENSA 451 /2022
27 sèptèmber 2022
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku diferente kaso di atrako ku a tuma lugá den ultimo lunanan, tim di aresto
konhuntamente ku tim di atrako a realisá sinku detenshon.

Djamars 27 di sèptèmber 2022, entre 04.38’or i 5.10’or di mainta polis a bai na e adrèsnan:
 Kaya Reinir Bor;
 Kaya Chi ku Cha;
 Kaya Dodo Palm;
 Julian;
 Oost Jongbloed;
 Nabij Sta. Rosa.
Na e adrèsnan aki a detené e sospechosonan:
 R.A.C. di 24 aña di edat;
 L.V.M. di 27 aña di edat;
 S.C.M.I. di 25 aña di edat;
 R.Q.E.N. di 21 aña di edat;
 S.V.B.M.E. , dama di 29 aña di edat, tur sospeshosonan ta nasé na Kòrsou.

Durante investigashon na e adrèsnan ariba menshoná polis a haña i konfiská artikulonan di
importansia pa e investigashon, un arma di kandela i un vehíkulo.
A presentá e sospechosonan dilanti un fiskal ouksiliar i despues di interogashon e
sospechosonan S.C.M.I. i S.V.B.M.E. a rekobrá nan libertat i a ordená enkarselamentu di
sobra sospechosonan pendiente di mas investigashon.