Kontrol di tráfiko

KOMUNIKADO DI PRENSA 456/2022
30 sèptèmber 2022
Kontrol di tráfiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 29 di sèptèmber 2022, personal di Warda di Polis Punda huntu ku Unidat di Tráfiko
a tene dos kontrol di tráfiko dirigi riba pasamentu den lus kora i kontrol general.
E kontrol nan aki a tuma lugá na krusada di Kaya C. Winkel/Schottegatweg Zuid entre
06.30’or – 10.00’or i riba Schottegatweg Zuid entre 12:00’or – 13:30’or.
Un total di 123 vehíkulo a keda kontrolá i a parti 50 prosès verbal pa pasamentu den lus
kora i pa otro infrakshonnan den tráfiko.
Manehá un vehíkulo:
 Sin faha di seguridat bistí;
 Sin reibeweis bálido;
 Sin seguro bálido;
 Sin karchi di kùr bálido;
 Sin plachi number dilanti i patras;
 ku winshil skur;
 hasi uso di telefon selular.
E kontrolnan aki ta kontinuá.