Detenshon relashoná ku atrako.

KOMUNIKADO DI PRENSA 461 /2022
04 òktober 2022
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 4 di òktober 2022, alrededor di 00:13’or, sentral di Polis a dirigi un unidat na un
snack na Seru Fortunaweg pa un atrako ku a kaba di tumá luga.
Mesora a dirigí un unidat di polis pa e sitio i na nan yegada a hasi un investigashon.
For di e investigashon preliminar a sali na kla ku 5 homber arma mester a baha for di un
vehíkulo i a atraká e bishitante nan.
Despues sentral di polis a dirigí e unidat pa asisiti un kolega di atrako tim ku a señala e
vehikulo sospechoso na un establesimentu riba F.D. Rooseveltweg.
Na yegada di e unidat a hasi detenshon alrededor di 02:40’or di e hòmber sospechoso
L.A.W. nase na hulanda di 24 aña di edat.
E co sospechoso nan no a duna oido na e ordu di polis i a hui bai den e vehíkulo for di e
sitio.
Despues a sigi un persekushon i a bin detene alrededor 02:50’or un otro hòmber
sospechoso L.L.W. nase na Hulanda di 21 aña di edat, na altura di e pomp di gasolin na
Juan Domingu.
A konfiská un vehíkulo i artikulonan di suma importansia pa e investigashon
Un di tres sospechoso ku tabata den e vehíkulo a logra hui i bai laga polis.
A presentá e dos sospechoso nan dilanti di un fiskal ouksiliar ku a ordená nan
enkarselamentu pendiente di mas investigashon.