Hóbennan di 14 aña bai ariba kompañá 

pa un adulto por bishitá e konsierto 

Kòrsou den ambiente pa konsierto di Burna Boy

 

WILLEMSTAD: Por sinti e ambiente p’e konsierto di Burna Boy den tur skina di Kòrsou. For di esnan ku pa años konosé Burna Boy kaba, te na esnan ku awòki ta fasiná ku su músika. E artista galardoná ku premionan grammy ta yega Kòrsou dia 28 di òktober mainta, pa e mesun anochi presentá den Curaҫao Festival Center. Despues ku e organisashon SUN SPLASH i e tim lokal a presentá e konferensia di prensa siman pasá, e ‘hype’ pa e konsierto a únikamente oumentá. Debí na asina tantu petishon, ta habri oportunidat pa hóbennan di 14 aña bai ariba kompañá pa un adulto bishitá e konsierto. Ta pidi pa tur hoben kana ku nan ID durante di e konsierto. 

 

SOCIAL MEDIA GIMMICK: Ta motivá tur hoben pa aktivá e ambiente riba retnan sosial ku chèns di gana un (1) karchi VIP Standing na balor di 200 florin (Location). Ta saka premio dia 24 di òktober próksimo. Lo saka dos (2) ganador. IMPORTANTE: usa ‘hashtag’ #BurnaBoyCuracao2022 pa bo partisipá. Por aktivá riba Facebook, Instagram òf Tik Tok. PARTISIPÁ: Graba bo mes ta ‘vibe’ riba kualke kansion di Burna Boy i ‘post’ esaki. Kòrda hasi bo perfil públiko di manera ku por mir’é. GANA NA RADIO: Den transkurso di e dianan benidero ta invitá tur hende skucha nan radio faborito i lo tin chèns di gana karchi pa sekshon general di e konsierto. 

 

Tur partner den e evento ta den preparashon i mester bisa ku praktikamente tur sekshon VIP ta ‘sold out’- ku eksepshon di algun karchi mas p’e área ‘Location’- e área di mas grandi- ku ta e ‘standing’ dilanti di stage. Fanátikonan ke ta serka di artista ta p’esei mes a hasi e konsierto aksesibel pa tur hende. 

 

Dia 28 di òktober próksimo, portanan di Curaҫao Festival Center ta habri 7’or di anochi, pa 9’or lo tin presentashon di popular artista lokal urban BJAY ku su banda, nan lo presentá un repertorio variá ku lo feature otro artistanan lokal tambe. MC Chris Strick, MC Don T, Dj Krokzz i Dj Fab tambe lo ta den pre-show. Pa eksaktamente 11’or BURNA BOY lo subi esenario di Curaҫao Festival Center! SUN SPLASH ta invitá Kòrsou p’e  konsierto di BURNA BOY ku su banda aki na Kòrsou! Karchinan ta optenibel na tur punto di benta i riba caribbeanticketshop.com