KÓDIGO HEL: PREKOUSHON PA MAL TEMPU TA NA VIGOR PA KÒRSOU

 

Day: Djaweps Djabièrnè Djasabra Djadumingu Djaluna

áwaseru ku welek ku bos aislá

áwaseru ku welek ku bos aislá

áwaseru ku welek ku bos aislá

vários áwaseru

áwaseru aislá
Rain probability: 80% 60% 40% 20% 20%
High: 29ºC / 84ºF 28ºC / 82ºF 30ºC / 86ºF 30ºC / 86ºF 30ºC / 86ºF
Low: 23ºC / 73ºF 22ºC / 72ºF 24ºC / 75ºF 25ºC / 77ºF 25ºC / 77ºF
Sunrise time: 06:25 06:25 06:25 06:25 06:25
Sunset time: 18:23 18:22 18:21 18:21 18:20
Wave heigth (meters): 0.5 – 1 0.5 – 1 1 – 1.5 0.5 – 1 0.5 – 1

Pronóstiko di tempu pa Kòrsou i bisindario bálido te djabièrnè mainta 06:00 o.l., 7 di òktober 2022.

Kompilá:
djaweps 6 di òktober 2022, 05:00 o.l. (09:00 UTC).

 

KÓDIGO HEL: PREKOUSHON PA MAL TEMPU TA NA VIGOR PA KÒRSOU

 

Tempu:
Parsialmente te hopi nublá ku algun áwaseru kompañá lokalmente pa welek i bos.

Temperatura máksimo lo alkansá 29ºC i temperatura mínimo 23ºC.
Solo ta sali 06:25 i ta baha 18:23 o.l.

Bientu:
For di direkshon ost nortost i suak te moderá; forsa 2 te 3 (7 te 19 km/ora, 4 te 10 nudo). De bes en kuando moderá te posiblemente fuerte den ráfaga; forsa 4 te 6 (20 te 50 km/ora, 11 te 27 nudo).

Situashon general:
Durante di próksimo dianan, kondishon atmosfériko lo bira mas faborabel pa desaroyo di nubianan signifikante den nos área, debí na un ola tropikal basta aktivo ku ta aserkando nos área. E nubianan aki, ku ya ta pasando riba nos isla, ta trese algun áwaseru i lokalmente por ta moderá te fuerte kompañá pa welek i bos. Komo resultado di esaki, ta antisipá molèster di awa na e sitionan di kustumber.

Kondishon di laman:
Por lo general trankil ku altura di olanan di ménos ku 1 meter (3 pia). Durante áwaseru fuerte, temporalmente un poko brutu ku olanan alrededor di 2 meter (7 pia).

Sistemanan signifikante di wer tropikal:
E ola tropikal aktualmente ku 80% chèns pa sigui desaroyá durante e próksimo 2 dianan a hasi su entrada riba region ost di Karibe. Esaki lo bai afektá e atmósfera lokal durante gran parti di e di dos mitar di siman aktual den nos área. Departamento Meteorológiko Kòrsou lo vigilá futuro desaroyo di e sistema tropikal aki minusiosamente i lo emití mensahenan di prekoushon na momentu ku esaki ta nesesario.

Fenómeno spesial:
Ningun.

Perspektiva te djasabra mainta:
Hopi nublá ku yobidanan riba vários parti di Kòrsou.

Meteorólogo:
Abraham.

 

BOLETIN SPESIAL Nr. 2

SERVISIO METEOROLÓGIKO KÒRSOU

DJAWEPS, 6 DI ÒKTOBER 2022, 06:30 O.L.

UN MENSAHE DI PREKOUSHON (KÓDIGO HEL) PA MAL TEMPU TA NA VIGOR PA KÒRSOU

******ANÁLISIS DI PRONÓSTIKO TA INDIKÁ DESAROYO DI MAL TEMPU KU POR TA UN MENASÁ PA PARTI DI KÒRSOU******

 

E KONDISHONNAN AKI LO DURA FOR DI DJAWEPS, 6 DI ÒKTOBER 2022, 06:30 O.L. TE DJAWEPS, 6 DI ÒKTOBER 2022, 18:30 O.L.

 

IMPAKTO ANTISIPÁ:

  • Áwaseru fuerte ku por kousa inundashon na sierto parti di nos isla;
  • Ráfaga di bientu por kousa lokalmente sierto destrukshon riba su ruta;
  • • Ola haltu na kostanan sùit i wèst por kousa daño na boto chiki kantu di awa i tambe na fasilidatnan na playa;
  • Welek por kai i kousa daño na aparatonan i otro opheto.

 

MEDIDA DI PREKOUSHON:

  • Saka stèker di aparatonan elektróniko afó i no hasi uso di esakinan durante di un evento di welek ku bos;
  • Usa telefòn ku waya solamente den kaso di emergensia;
  • Mara ophetonan ku ta lòs pafó i pone bo mes i bo bestianan di kas den seguridat;
  • No usa palunan aislá pa skonde;
  • No pasa dor di kayanan òf áreanan ku ta inundá, òf kaminda ku tin roi grandi ta kuri;
  • Sali for di boto i alehá bo mes for di awa, si esei ta posibel;

 

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Mensahe di Prekoushon pa Mal Tempu ta un anunsio pa ora ku mal tempu ta posibel (probabilidat di 10 pa 30%) denter di próksimo 8 pa 24 oranan.

E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.

KEDA PENDIENTE PA MAS INFORMASHON.

E siguiente boletin lo wòrdu emití djaweps, 6 di òktober 2022, 09:30 o.l.

BOLETIN SPESIAL Nr. 1

SERVISIO METEOROLÓGIKO KÒRSOU

DJAWEPS, 6 DI ÒKTOBER 2022, 10:30 O.L.

UN MENSAHE DI PREKOUSHON (KÓDIGO HEL) PA LAMAN BRUTU TA NA VIGOR PA ÁREANAN DI KOSTA NORT I OST DI KÒRSOU

******ANÁLISIS DI PRONÓSTIKO TA INDIKÁ DESAROYO DI KONDISHONNAN DI LAMAN BRUTU KU POR MENASÁ PARTINAN DI KOSTA DI KÒRSOU******

 

E KONDISHONNAN AKI LO DURA FOR DI DJAWEPS, 6 DI ÒKTOBER 2022, 10:30 O.L. TE DJABIÈRNÈ, 7 DI ÒKTOBER 2022, 11:00 O.L.

 

IMPAKTO ANTISIPÁ:

  • Resake i/òf bientu fuerte lo kousa laman brutu na kosta;
  • Ola haltu lo kousa daño na boto chikí, si esakinan keda na tera kantu di awa;
  • Inundashon di kosta lo kousa daño na fasilidatnan na playa.

 

MEDIDA DI PREKOUSHON:

  • Ta konsehá usuario di boto chikí pa tene kuidou ora ku nabegá den e kondishonnan aki;
  • Debí ku inundashon ta probabel den sierto área kantu di kosta, ta urgi doño di fasilidatnan na kosta pa protehá nan propiedat, kaminda ku esaki ta posibel.
  • Ta konsehá hende ku ta landa pa tene kuidou i no bai leu for di kantu

 

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Mensahe di Prekoushon pa Laman Brutu ta un anunsio pa ora ku laman brutu ta posibel (probabilidat di 10 pa 30%) denter di próksimo 8 pa 24 oranan.

E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.

KEDA PENDIENTE PA MAS INFORMASHON.

E siguiente boletin lo wòrdu emití djabièrnè, 7 di òktober 2022, 10:30 o.l.

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: