Pronóstiko di tempu pa Kòrsou i bisindario bálido te djadumingu mainta 6:00 o.l., 9 di òktober 2022.

Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l., 9 di òktober 2022.
Kompilá: djasabra 8 di òktober 2022, 05:00 o.l. (09:00 UTC).

Tempu: Por lo general parsialmente nublá ku un òf mas áwaseru pasahero. Riba djadumingu ta antisipá áwaseru mas frekuente i tambe bos por zona.

Temperatura máksimo lo alkansá 31ºC i temperatura mínimo 27ºC.
Solo ta sali 06:25 i ta baha 18:21 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6  (40 te 50km/ora, 22 te 27 nudo).

Situashon general: A traves di e sekshon ost den Laman Karibe, ekstenshon di un preshon haltu suak ta generá bientu moderá te basta fuerte, kondishon di laman moderá i tambe transportá airu húmedo den nos área. Pa e motibu aki shelu lo ta por lo general parsialmente nublá ku de bes en kuando algun áwaseru durante e fin di siman i probablemente tambe den kuminsamentu di e siguiente siman di trabou.

Kondishon di laman: Moderá ku altura di olanan entre 1 i 1.5 meter (3 i 5 pia).

Sistemanan tropikal signifikante: Tormenta tropikal Julia tabata situá awe mainta tempran riba parti sùit-sentral di Laman Karibe, miéntras e ta sigui move den direkshon wèst. E tormenta no ta un menasa pa Kòrsou.

Fenómeno spesial: Ningun.

Perspektiva te djaluna mainta: Parsialmente te hopi nublá ku de bes en kuando áwaseru. Ta eksistí chèns lokalmente pa welek i bos.

Meteorólogo: Coffie