Detenshon pa estafa.
KOMUNIKADO DI PRENSA 472 /2022
13 òktober 2022
Detenshon pa estafa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Enkonekshon ku un investigashon ku ta andando kaminda sospechosonan ta hür vehíkulo
na un kompania pa despues bendé esaki ku tersera, polis a hasi dos detenshon.
Djárason 12 di òktober 2022 alrededor 17.15’or un unidat polisial a señalá e sospechoso ku
tin òrdu di detenshon pe, den un vehíkulo di hür den área di Mahuma. Mesora a duna
shofùr di e vehíkulo òrdu pa para. E shofùr no a duna oido na esaki i a hisa velosidat i a kore
bai. Polis a kuminsá ku un persekushon tras di e vehíkulo ku a kuminsá riba Winston
Churchillweg i terminá na Palu Blanku na momentu ku polis a logra para e vehíkulo.
Na e sitio polis a hasi detenshon di dos dama sospechoso, J.M.J.C. di 25 aña di edat i I.B.M.
di 21 aña di edat ámbos nasé na Kòrsou relashoná ku e kaso ariba menshoná.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.
