Detenshon pa ladronisia di outo.

KOMUNIKADO DI PRENSA 476 /2022
17 òktober 2022
Detenshon pa ladronisia di outo.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku ladronisia di outo ku a tuma lugá dia 25 di
sèptèmber 2022 na Jan Noorduynweg, tim di joyriding a detené un sospechoso mas.
Djaluna 17 di òktober 2022, alrededor di 14.30’or tim di joyriding konhuntamente ku
personal di UST a detené e hòmber sospechoso R.C.W. nasé na Kòrsou di 27 aña di edat,
relashoná ku e kaso ariba menshoná.
Tambe a detené e hòmber D.G.A.O. nasé na Kòrsou di 29 aña di edat ku tambe tabata den
e vehíkulo na momentu di detenshon di R.C.W..
Detenshon a tuma lugá na krusada Kaya Muizenberg / Kaya Monte Video.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon.