PROMÉ MINISTER GILMAR PISAS TABATIN E PLASER DI SERA KONOSÍ KU E PRESIDENTE DI MADEIRA 

PROMÉ MINISTER GILMAR PISAS TABATIN E PLASER DI SERA KONOSÍ KU E PRESIDENTE DI MADEIRA 

 

Willemstad –Promé Minister sr. Gilmar Pisas tabatin e plaser di será konosí ku e Presidente di Madeira sr. Miguel Filipe Machado de Albuquerque dia 11 di òktober 2022.

 

Sr. Miguel Filipe Machado de Albuquerque ta Presidente di e Gobièrnu Regional di Madeira for di 2015. E tabata e alkalde anterior (Presidente da Câmara) di Funchal, Kapital di Madeira.

 

E meta prinsipal di e bishita di sr. Miguel Filipe Machado de Albuquerque tabata pa e por a topa i sera konosí ku desendientenan di Madeira ku ta biba na Kòrsou i e komunidat di Kòrsou mes.

Durante di e bishita di kortesia aki a hiba kombersashon riba e.o. Turísmo, Komersio, digitalisashon den e sektor di edukashon i e sistema di impuesto na Madeira.

 

Promé Minister sr. Pisas a gradisí sr. Miguel Filipe Machado de Albuquerque pa tur e informashonnan ku e la duna tokante di e desaroyonan positivo na Madeira i tambe pa a tuma tempu pa bishita Kòrsou durante di su gira.

 

E kombersashon a kana den un bon esfera.

(Bishita na Fòrti)

 

Parti mèrdia Promé Minister sr. Pisas a keda invitá na un almuerso di VBC kaminda e Presidente di Madeira tabata oradó prinsipal:

 

I anochi Promé Minister sr. Pisas tabata invitado na e resepshon ku a tene pa e Presidente di Madeira:

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: