Bakuna kontra HPV ta un echo !

Bakuna kontra HPV ta un echo !

 

Durante aña eskolar 2022-2023 lo kuminsá bakuna kontra HPV, esaki a keda anunsiá riba e página di facebook di Ministerio di Salubridat, Medio Ambiente i Naturalesa.

 

Komo Parlamentario mi ta sumamente kontentu di por a tuma nota di esaki i ta parti di e desaroyo aki. E motibu pa esaki ta ku huntu ku HPV tèst, esaki ta un stap den e direkshon di por baha sifranan di kanser na boka di matris i otro tipo di kansernan di un forma signifikante. 33% di nos hende muhénan bou di e edat di 25 pa 35 aña tin e presensia di HPV den nan sistema. I ku e bakuna nos por redusí esaki. Ku tur e benefisio positivo ku esaki ta bai trese.

 

Awor ku komo pais nos ta bai kuminsá bakuná kontra HPV pa promé bia den historia di un forma strukturá, ta rekomendabel pa sigui fundashon Prevenshon su inisiativa pa bakuná komo ‘catch up’ e grupo di 10 pa 25 aña tambe. E grupo aki, apesar ku no a bakuna promé ku edat di adolesensia, lo por benefisiá di e bakuna. Esaki lo garantisá ku e grupo protehé dor di e bakuna ta bira mas grandi, ku mas chèns pa eliminá sierto malesanan manera frètnan genital. E aserkamentu, di bakuna un grupo mas grandi, por redusí tambe e kostonan di salubridat.

 

Ademas mi ta spera ku e proyekto di bakunashon ta keda kompañá ku un kampaña di informashon, pa konsientisá riba HPV i tur su konsekuensianan. Tur klase di éksito na e departamento di Salú Hubenil ku e trayekto aki.

Ana Maria Pauletta                            

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: