DEPARTAMENTU DI ARBITRAHE KU OTRO TREMENDO KURSO DI ARBITRAHE! INISIO DI E KURSO LO TA 28 ÒKTOBER 2022!

 

DEPARTAMENTU DI ARBITRAHE KU OTRO TREMENDO

KURSO DI ARBITRAHE!

INISIO DI E KURSO LO TA 28 ÒKTOBER 2022!

 

 

Departamentu di arbitrahe di FFK ta bai organisá e segundo kurso di arbitrahe pa e aña aki.

Despues ku e promé básiko di aña aki na ougùstùs último a resultá di ta un éksito, den e luna aki tambe ta bai organisá un segundo kurso básiko pa tur hende muhé i hòmber di 15 aña òf mas, pa dirigí entre otro weganan di Kampionato Hubenil ku ta e kategorianan di U-9 te ku U-20, Kampionato Femenino i tambe partidonan di Liga MCB Terser Divishon.

 

Departamentu di arbitrahe ta enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.

 

E kurso lo inisiá djabièrnè, 28 òktober próksimo di 6’or di atardi pa 9’or di anochi i lo finalisá djasabra 12 novèmber 2022 ku un èksamen di 10’or di mainta pa 12’or di mèrdia.

 

E fecha ku orarionan ta lo siguiente:

 

Dia Fecha Orario Lugá
 Djabièrnè 28 òktober 2022 6-9 PM  

 

 

Sala di FFK

 Djasabra 29 òktober 2022 9 AM – 5 PM
 Djamars 1 novèmber 2022 6-8 PM
 Djaweps 3 novèmber 2022 6-8 PM
 Djabièrnè 4 novèmber 2022 7-10 PM
 Djasabra 5 novèmber 2022 9 AM – 4 PM
 Djamars 8 novèmber 2022 6-8 PM
 Djaweps 10 novèmber 2022 6-8 PM
 Djasabra 12 novèmber 2022 10 AM – 12 PM

 

 

Ora kompletá e kurso ku éksito lo tin un periodo di ‘stage’ di 6 luna promé ku risibí e diploma.

Pa inskripshon por tuma kontakto ku departamentu di arbitrahe na referee@ffk.cw òf via di number di telefòn 7365040 (ekstenshon 102) òf por manda un ‘app’ na 5482310. Inskripshon ta kosta fl.10,- i e kurso mes ta grátis, ku tur material inkluí. Por inskribí te ku 27 òktober 2022.

Pa abo ku ta un hóben dinámiko ku outoridat i ku ambishon, esaki ta bo oportunidat pa bira rèfri.

 

Inskribí awe mes, Departamentu di arbitrahe i FFK ta warda bo!

 

21 ougùstùs 2022

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: