AWOR POR KUMPRA SILINDER DI GAS DI CURGAS NA UN DI E 43 PUNTONAN DI BENTA DI PAGAFÁSIL RÒNT KÒRSOU

 

AWOR POR KUMPRA SILINDER DI GAS DI CURGAS NA UN DI E 43 PUNTONAN DI BENTA DI PAGAFÁSIL RÒNT KÒRSOU

Willemstad 23 di Òktober 2022- Klientenan di Curgas awor por kumpra nan silinder di gas pa uso na kas òf uso komersial na un  di e 43 puntonan di benta di Pagafásil ku tin situá rònt Kòrsou. Esaki ta un di e promé pasonan di Curgas i Pagafasil pa konhuntamente buska formanan ku ta fasilitá bida di e komunidat di Kòrsou. Klientenan di Curgas awor por kore yega na e punto di pago di Pagafásil ku ta mas kumbiniente huntu ku nan Curgas ID, i hasi kompra di nan silinder di gas. Unabes e kliente kumpra su silinder  di gas, Curgas lo entregá esaki na e mesun forma atento di semper pa asina kumpli debidamente ku su klientenan.

“E esfuerso aki di Pagafásil i Curgas, ta e komienso den un esfuerso dirigí pa fasilitá nos komunidat na momentu ku ta kumpli ku diligensianan. Pagafásil ku su 43 puntonan di pago rònt Kòrsou ta fásil i aksesibel pa henter pueblo. Dor di netamente ofresé servisionan manera e posibilidat pa kumpra silinder di gas i paga mas servisio di nos otro provedónan, nos di Pagafásil ta ofresé e kliente un punto sentral kaminda e ta yega i keda kla ku pago di tur su kompromisonan. Nos ta yama Curgas bon biní,” Sra. Neysa Isenia di Utility Financial Services ( UFS ) a bisa.

Segun Sr. Yamil Lasten, CEO di Curoil Group: “Curgas ta sumamente satisfecho, ku den kolaborashon ku Pagafásil, nos a amplia puntonan di benta pa silinder di gas. Ku esaki nos ta brinda mas opshon na nos klientela  na momento di hasi kompra di gas. Curgas manera semper lo sigui traha ku meta pa optimalisá nos servisio na komunidat” 

Pagafásil ta keda bo punto di eskoho pa yega, paga i bai. Awor pa e silinder di gas di Curgas tambe! Pa mas informashon di tur punto di benta di Pagafásil por bishita www.pagafasil.net òf yama òf WhatsApp 5600045.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: