Kaso di tiramentu ku herido i detenshon
KOMUNIKADO DI PRENSA 505 /2022
29 òktòber 2022
Kaso di tiramentu ku herido i detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra29 di òktòber 2022 alrededor di 04.58’or, Sentral di Polis a risibí informashon ku tin
un bashamentu di bala entre tres vehíkulo na altura di rotònde di Palu Blanku.
Mesora polis a dirigí un unidat na e sitio.
Na yegada di e unidat a risibí informashon ku un di e vehíkulo nan ta na altura di un
panaderia na Stoppelweg, unu na Papaya i e di 3 a kore bai.
Relashoná ku e kaso aki, Sentral a dirigí e unidat pa e sitio nan ariba menshoná.
Na yegada di e unidat na Stoppelweg a bin topa ku un víktima ku herida di bala na parti
ariba di su kurpa ku a deklará ku un ratu pasá el a keda heridá pa un arma di kandela riba
Nijlweg na altura di e lusnan di tráfiko. A transportá e víktima ku Ambulans pa sala di
emergensha na C.M.C.
Despues a detené un hòmber sospechoso C.S.F. nase na Kòrsou di 18 aña di edat na
Papaya den un vehíkulo ku 6 perforashon di bala.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
E investigashon ta sigi.
