Patrick Oseana representando Kòrsou den kampeonato mundial di dam hubenil na Turkia.

Patrick Oseana representando Kòrsou den kampeonato mundial di dam hubenil na Turkia.

 

Durante e periodo di 29 di òktober pa 7 di novèmber 2022 e Federashon Mundial di Dam (World Draught Federation} ta organisá un kampeonato mundial di dam hubenil, kaminda un kantidat di 19 pais ta partisipá. E kampionato aki ta tuma lugá na e siudat Antalya na Turkia. En konekshon ku esaki dia 27 di òktober último e hoben Patrick Oseana, ku ta miembro di “Youth Draughts Club – RAIS” a sali rumbo pa Antalya-Turkia, kaminda e lo partisipá na e kampeonato mundial den representashon di Kòrsou.

 

Un kantidat di 20 pais te registrá pa partisipá na e kampeonato aki. E torneo riba su mes ta konsistí di 5 kategoria entre otro U-19, U-16, U-13 i U-10 i un kategoria di streanan nobo. E kategorianan ta di tantu grupo maskulino i femenino i ta hunga e  kompetensia den e sistema Suiso. Kada kotegoria ta hunda 9 buelta.

 

E hoben Patrick Oseana ku tin 10 aña di edat ta partisipá den e kategoria di U-10 (Hopes Boys Open) den kua tin 20 partisipante, representado entre otro Republika Cheko, Estonia, lituania, Hungria, Latvia, Mongolia, Polonia, Ukraina i Hulanda.

 

E Klup di Dam Hubenil Rais ta haña sumamente importante pa su miembronan por partisipá mas tantu posibel den torneonan lokal komo internashonal pa di e forma aki nan por sera konosí mas mihó ku e wega i strategianan di dam, i tambe haña e eskperienshanan nesesario di tantu torneonan lokal komo internashonal.

 

Pa medio di esaki nos ke deseá Patrick tur klase di éksito den e kompetensia aki.

******

Riba potrèt drpd: Harlee Oseana, e hoben Patrick Oseana i Raoul Alias, Presidente di Klup di Dam Hubenil Rais, alabes maestro di Patrick.