MINISTER MARTINA MEHORANDO SITUASHON LABORAL

WILLEMSTAD – Minister Ornelio Kid Martina huntu ku un representante di ABVO a bai bishitá e edifisio di WTC kaminda e sektor di SSO di su ministerio (BPD) ta aloká. Empleadonan di SSO a reklamá tokante di nan espasio pa laborá i Minister Kid Martina a bai tuma nota di e situashon pa asina e por yuda brinda solushon pa e problemanan. Ya kaba a presentá oferta pa limpiesa profeshonal di e ofisinanan. Riba término kòrtiku lo presentá un plan di mehorashon.