PAR a tuma nota di e alegashonnan ku e direktor statutario di Telecuraçao, nombra pa MFK, a agredí un trahadó físikamente.

PAR a tuma nota di e alegashonnan ku e direktor statutario di Telecuraçao, nombra pa MFK, a agredí un trahadó físikamente.

Ta bisto ku esaki ta e último insidente den kua personanan apuntá pa MFK ta wòrdu akusá di maltratá verbalmente i awor asta fisikamente trahadónan den servisio (semi)públiko bou di nan responsabilidat.

Ta fresku den nos memoria e kapítulo di Minister di Finansa ku su trahadónan di seguridat, trahadónan di Belastingdienst i e insultonan konstante riba Facebook riba hefenan di servisio, figuranan públiko i oponentenan politiko.

Gobièrnu tin tur òutoridat pa kambia di direkshon di maneho. Esaki sinembargo mester tuma luga den kuadro di lei. E kustumber sinembargo di MFK di kibra imahen públiko di profeshonalnan, akusa nan di kosnan sin base pa kore ku nan na mal òrdu, ta bisto i ta inaseptabel.

Pa kolmo den pasado e direktor statutario en kuestion, ku a wòrdu nombra apesar di e konseho negativo di SBTNO, ya a risibí un kastigu disiplinario pa su ròl kuestionabel den yagmentu riba profeshonalnan yu di tera pa MFK, loke a kosta nos komunidat miónes di florin na daño i perhuisio den korte.

Minister di VVRP ta politikamente responsabel pa TeleCuracao i a skohe pa nombra e direktor aki pa implementá su maneho. Komo tal,  e ta responsabel tambe si e direktor skohe pa usa intimidashon i maltrato di personal pa logra su meta. Esaki semper tabata e forma di operá di MFK.

PAR ta eksigí pa Minister di VVRP, pa medio di e hunta di komisario, laga inisiá un investigashon independiente riba e suseso aki i tambe e forma ku e direktor en kuestion ta ehersiendo su trabou. Di e forma aki por protehá nos profeshonalnan den sektor (semi)públiko di yagmentu.

Asina ta demostrá si e kurason realmente ta bati pa Kòrsou òf pa kompinchinan polítiko so.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: