Pronóstiko  di tempu pa Kòrsou i bisindario bálido te djasabra mainta 06:00 o.l., 5 di novèmber 2022.

Pronóstiko

Pronóstiko  di tempu pa Kòrsou i bisindario bálido te djasabra mainta 06:00 o.l., 5 di novèmber 2022.
Kompilá: 
djabièrnè 4 di novèmber 2022, 05:00 o.l. (09:00 UTC).

Tempu: Parsialmente nublá i no ta antisipá yobida signifikante pa e promé parti di dia. For di atardi e chèns pa awa signifikante kai ta oumentá huntu ku e chèns pa welek i bos. E situashon aki lo ta presente pa resto di valides di e pronóstiko.

Temperatura máksimo lo alkansá 29ºC i temperatura mínimo 23ºC.
Solo ta sali 06:29 i ta baha 18:09 o.l.

Bientu: Ta habri e dia for di un direkshon ost i moderá; forsa 2 te 4 (7 te 30 km/ora, 4 te 16 nudo), i esaki lo bira gradualmente ménos i lo bini for di un direkshon sùitwèst den transkurso di dia awe.
Alrededor i durante di yobidanan mas fuerte, ráfaga por ta basta fuerte te duru; forsa 5 te 7 (31 te 61 km/ora, 17 te 33 nudo).

Situashon general: Un ola tropikal lo krusa nos region durante e próksimo oranan i lo halsa e grado di humedat na vários nivel di atmósfera den nos área. Esaki den kombinashon ku un depreshon den formashon na nivel abou lo krea e kondishon perfekto pa formashon di nubianan signifikante durante djabièrnè atardi pa djasabra mardugá i mainta. E nubianan aki lo generá momentunan ku yobida kompaña pa welek i bos riba i alrededor di nos isla. Algun di e yobidanan aki por ta lokalmente fuerte i por kousa molèster na e lugánan di kustumber. Por último, e visibilidat rondó di Kòrsou lo ta bon pa gran parti di dia awe.

Kondishon di laman: Generalmente trankil te moderá ku altura di olanan entre 0.5 i 1.5 meter (2 pa 5 pia). Laman na kosta zùit, zùitwèst i wèst lo bira temporalmente mas brutu dor di e kambio den direkshon di bientu durante di dia awe.

Sistemanan signifikante di wer tropikal: 
Ningun.

Fenómeno spesial: 
Ningun.

Perspektiva te djadumingu mainta: Hopi nublá ku momentunan kontinuo di algun yobida lokal.

Meteorólogo:
 Correa

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: