GRAN FINAL LIGA MCB TERSER DIVISHON 2022!

DJADUMINGU 6 DI NOVÈMBER 2022, 6’OR PM DEN STADION

RIGNAAL ‘JEAN’ FRANCISCA!

 

 

Despues ku Liga MCB Terser Divishon su buèlta di 4 a tèrminá djaráson último, e 2 ekiponan ku a klasifiká pa e gran final ta konosí. C-Stars United i CH Mahuma lo enfrentá otro djadumingu awor, 6 di novèmber, pa 6’or di atardi den Stadion Rignaal ‘Jean’ Francisca durante e tremendo partido final aki.

 

E partido aki lo bai ta unu sumamente interesante mirando ku CH Mahuma ta bin tur ku tin pa promové i regresá Liga MCB Segundo Divishon miéntras C-Stars United tambe ta bin desidido pa bai ku e título máksimo e aña aki, despues ku aña pasá nan a keda komo supkampion di Liga MCB Terser Divishon.

Pues djadumingu, 6 di novèmber 2022, ta un tabla lo bula Stadion Rignaal ‘Jean’ Francisca durante e gran final di Liga MCB Terser Divishon!

 

Un yamada ta bai na henter pueblo di Kòrsou pa asistí na e Gran Final di Liga MCB Terser Divishon. Bin presensiá si ta C-Stars United òf CH Mahuma lo ta e ekipo kampion di Liga MCB Terser Divishon ku lo promové pa Liga MCB Segundo Divishon.

 

Entrada pa e partido final di Liga MCB Terser Divishon ta fl. 5,- so so pa tur hende!

Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!

 

MCB i FFK ta wardabo!

 

4 novèmber 2022