Resultado Gran Final 6 di november 2022

Resultado di Gran Final MCB CSB

 

Pichingolo ta sali bai ariba anotando 1 kareda den di 2 inning riba un fayo den defensa di Souax sin konektá hit, Souax ta bin bek den kabes di 3 inning i empatá e wega ora ku Damisha Charles konektá doblete pa left. Pichingolo ta bai ariba bek den serada di 3 inning riba hit di Stephany Passial. E wega ta sigui 2 pa 1 na fabor di Pichingolo te den kabes di 7 inning kaminda promé Souax ta bai ariba 3 pa 2 riba hit di Thanysha Gil. Den bòm di e último inning Pichingolo ta habri ku hit konsekutivo di Geneviëve Hariquez i Anais Piar, Julise Koffy ta haña base por bola intenshonal, Stephany Passial ta konektá hit pa empatá e wega na 3 kareda. Ku base yen  ta presentá Thaima Maximiliana na bate ku ta konektá hit di oro pa center ku e kareda ganador pa Pichingolo laga Souax den tereno ku skore di 4 pa 3.   Ku esaki Pichingolo ta pone Souax lomba kontra muraya.   Un viktoria mas pa Pichingolo nan ta titulá kampion kampionato MCB CSB 2022.

E siguiente wega ta djaluna 7 di novèmber  8 or na Sam Bunting Ballpark.

 

Pichingolo Nissan :   4 kareda 7 hit 1 eror

Picher ganadó Julise Koffy

Mihó bate Stephany Passial  2-2

Souax Gill Sport : 3  kareda 8  hit  1 eror

Picher pèrdèdó : Eva Voortman

Mihó bate : Tizony Raap 3-2

 

Siguiente wega :

 

E Gran Final di Sòftbòl MCB CSB AA ta sigui mayan djaluna 8or na Sam

Bunting ballpark.

 

Prome ku wega lo tin entrega di premio di kampionato 2022 di klase A i AA

Edward Martis

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: