Pronóstiko di tempu pa Kòrsou i bisindario bálido te djamars mainta 6:00 o.l., 8 di novèmber 2022.

 

Pronóstiko

Pronóstiko di tempu pa Kòrsou i bisindario bálido te djamars mainta 6:00 o.l., 8 di novèmber 2022.
Kompilá: 
djaluna 7 di novèmber 2022, 05:00 o.l. (09:00 UTC).

Tempu: Shelu ta parsialmente te basta nublá i prinsipalmente durante awe nochi ku algun áwaseru. Lokalmente tambe tin chèns pa welek i bos.

Temperatura máksimo lo alkansá 30ºC i temperatura mínimo 25ºC.
Solo ta sali 06:30 i ta baha 18:08 o.l.

Bientu: Por lo general suak i di un direkshon variá; forsa 2 te 3 (7 te 19 km/ora, 4 te 10 nudo). Prinsipalmente den áwaseru, ráfaga de bes en kuando moderá i posiblemente basta fuerte; forsa 4 te 5 (20 te 39 km/ora, 11 te 21 nudo).

Situashon general: Humedat e instabilidat asosiá ku un disturbio riba partinan di Karibe ta tene e ambiente faborabel pa desaroyo di nubianan ku algun áwaseru. Presensia di un área ku preshon abou djis nort di Laman Karibe, ta sigui kousa un fluho di bientu suak riba nos isla i bisindario.

Kondishon di laman:
 Por lo general trankil ku altura di olanan serka di 1 meter (3 pia).

Sistemanan signifikante di wer tropikal: 
Un área ku preshon abou riba sekshon sùitwèst di Atlántiko Nort ta move generalmente den direkshon nortwèst i ta premirá ku den e siguiente dia òf algu mas, e lo por intensifiká i bira un siklon tropikal aserkando e península di Flórida. E disturbio aki no ta un menasa pa Kòrsou.

Fenómeno spesial: 
Ningun.

Perspektiva te djárason mainta: Shelu por bira basta nublá ku áwaseru lokalmente den mardugá i mainta di djárason.

Meteorólogo: Coffie

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: