KOMUNIKADO DI PRENSA 522/2022
7 novèmber 2022

Detenshon relashoná ku maltrato i destrukshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 7 di novèmber 2022 alrededor di 15.44’or, Sentral di Polis a dirigí un unidat polisial
na Kaminda Jose (Papa) Liberia, pa un bringamentu entre dos hòmber.
Na yegada di e unidat polisial a topa ku un hòmber ku a deklará na polis ku un ratu promé e
tabatin un diskushon ku un otro hòmber. Durante di e diskushon e agresor a maltratá i
destruí e pikòp di e víktima.
Despues di e aktonan ariba menshoná e agresor a bandoná e sitio.
Polis a detené e hòmber sospechoso na su kas na Sabana Baka.
Ta trata di e sospechoso A.N.Z., nasé na Kòrsou di 50 aña di edat.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.