Desfile di moda “Mature Model Management”

Mature Model Management ta organisa djasabra 12 di november próksimo   un tremendo desfile di moda kual ta tuma lugá den Otrobanda Room na Acoya Curaçao Resort,  pa 3or di atardi. Un atardi di moda espektakular kaminda modelonan di Mature Model Management lo desfila trahenan esklusivo di ultimo moda di e prestigioso kasnan di moda manera entre otro Notion, Balanis, New Model, Buywise, i Kriss Kross.

 

Riba e tremendo atardi aki e kandidatanan ku ta partisipando na e sertámen di “Miss World Curaçao 2023” tambe lo forma parti di defile di moda aki i lo kompetí pa e titulo di “Miss World Curaçao Top Model 2023”.

Trahenan esklusivo i hopi glamoroso a wordu diseña ku hopi dedikashon pa e diseñado Eugenie Florentina speshal pa e kandidatanan di Miss World Curacao 2023.  

 

Karchi di entrada na rason di fl. 27,50 ta obtenibel serka Mature Model Management i tambe e kandidatanan di Miss World Curaçao 2023 i si sobra na entrada di Otrobanda Room na Acoya Curaçao Resort.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: