MINISTER COOPER TA PARTISIPÁ NA DISKUSHONNAN REGIONAL DI EU CYBERNET LAC

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MINISTER COOPER TA PARTISIPÁ NA DISKUSHONNAN REGIONAL DI EU CYBERNET LAC

PUBLIKÁ RIBA 16 NOVÈMBER 2022

Willemstad – Minister Charles Cooper a partisipá dia 15 di novèmber na e asina yamá ‘EU CyberNet LAC Regional Priorities Discussion’ na Santo Domingo. Tur partisipante di Cyberweek LAC4 2022 tokante seguridat sibernétiko, por a partisipá na e diskushonnan aki pa por fihá prioridatnan pa e aña entrante. Paisnan den Latino Amerika i Karibe por a indiká nan nesesidat i prioridatnan pa formashon riba e tereno sibernétiko. 

E resultadonan di e diskushon ta forma e programa di LAC4 pa 2023, pa por garantisá esfuerso kolektivo i resultadonan riba un termino largu pa alsá madures sibernetiko, maneho i praktikanan den henter e region LAC. 

EU Cybernet ta un proyekto di kreashon di kapasidat sibernétiko ku Union Europeo ta finansiá. E meta di e proyekto aki ta pa krea un konekshon pan-europeo di ekspertonan pa yuda resolvé retonanan di seguridat sibernétiko den henter mundu. E periodo di implementashon di esaki ta di 2019 pa 2025, i EU Cybernet tin ofisiná na Tallin, Brusela, i Santo Domingo. 

Pa loke ta trata Karibe, lo traha riba entre otro e siguiente aktividatnan:

  • Eherisio regional di seguridat sibernétko titulá ‘CyberCrabs’ 2022 dia 17 di novèmber,
  • Plannan nashonal komo akshon riba emergensianan,
  • Seminario hurídiko,
  • Evaluashon nashonal di rísikonan di seguridat sibernétiko.

Kòrsou tambe ta deseá na bira parti di LAC4 pa asina nos risibí sosten pa loke ta konosementu, krea konsiensia, preparashon, i atendé e partinan hurídiko. LAC4 por yuda Kòrsou pa siña kon pa organisá un kampaña di konsientisashon tokante seguridat sibernétiko, kon pa desaroyá un strategia sibernétiko, implementashon di e strategia, krea e struktura legal, subi e konsensia i kapasidat nashonal polítiko i stratégiko, i training tékniko pa nos ekspertonan.

Di banda di Kòrsou, nos tambe lo por duna sosten na LAC4 ku nos DataCenter, i nos DataPlanet komo ‘backup’. Tambe Kòrsou ta bou di e ruta usual di orkan, pues ta mas seif, nos tin 7 asina yamá ‘deepsea cables’, nos tin TIER4, i nos DataCenter ta partner di Hackshield na Hulanda. Pues nos tambe por kontribuí na LAC4 ku nos konosementu i nos por duna training. Tambe nos por bira un partner sibernétiko komo hub pa LAC4. Nos por traha huntu ku LAC4 pa krea un plataforma karibense sibernétiko. 

Drs. Elgeline Martis, hefe di CARICERT, di parti di Kòrsou, a splika tokante nos DataCenter.

  

Share this page to Telegram

This site uses Akismet to reduce spam. Learn how your comment data is processed.

%d bloggers like this: